Raju Bhuj ke South Division ke ek thaane mein hawaldaar ki duty nibhaata tha. Ek humble background se ubhar kar aane waala ek imaandar afsar tha Raju, jiski 5 saal pehle shaadi hui thi. Uski ek 4 saal ki beti hai jiska isi saal school mein daakhila hua tha aur Raju khush tha, kyunki uski bachpan ki kaamna yahi thi ki wah ek sarkari naukri kare, uska ek chhota sa parivar ho, woh imaandari se desh ki sewa kar sake aur uske parivaar ki saari kaamnaaon ko poora kar paye.
May ka mahina tha aur poore Kutcch mein, balki poore desh mein garmi ka ek kehar sa ho raha tha. Shanivaar ki shaam thi aur uski beti ko shopping jaane ka mann tha. School ki chuttiyan shuru ho chuki thin aur agla class shuru hone se pehle beti ke liye shoes, books, school bag, tiffin, water bottle, etc. ki kahreedi karni thi. Aur phir uski patni ko Pizza Hut mein lunch karaane ka promise bhi adhura rehta tha.
Shaam ke 4 baj rahe the aur uski patni ne use call kiya aur yaad dilaaya ki aaj unki anniversary hai aur unhein baahar jaana hai. Raju ne leave request do hafte pehle daal rakhi thi aur saare thaane ko pataa tha ki Raju us don 2 ghanton ke liye personal time lekar apni duty se door rahega. Lekin kuch hi ghanton pehle Raju ne do dairyon mein raid karke koi Oxytocin naamak substance ko seize kiya tha aur unke thaane bahut garma garmi ki situation ho gayi thi, aur is wajah se wah ghar pahunchne mein thoda late ho gaya.
Biwi aur bacchi tayyar baithe the. Naaraz the magar chup chapp Raju ke Bajaj ki bike par baithlar apni shaam ki ore badh gaye. Jab pizza mangaaya toh extra cheese ke saath order liya kyunki Raju ki beti Riya ko cheese bahut pasand tha. Shuddh shakahari familyon se belong karte the Raju aur uski patni Rekha. Aur unki beti ko bhi bada garv tha ki wah ek shakahari hai aur unki family ki wajah se kisi bezubaan ki jaan nahin jaati.
Pizza ka wait karte karte baat chhidi aur Reema ne Raju se poocha, "Papa, aaj aisa kya ho gaya tha thaane mein ki aap humaare itne important day par bhi late ho gaye?" "Arre, kuch nahin beta... kuch log aaye the dilli se ek pen drive aur ek complaint lekar ki koi illegal drug ka istemaal ho raha hai humaare shahar mein"
"Phir kya hua, papa?", Reema ne poocha. Raju ne turant answer kiya, "Phir hum log gaye. Do dairy farms ke khilaaf complaint this ki wahaan koi drugs use ho rahe hain. Hum gaye aur humne woh drugs seize kar liye."
"Par aap pareshan kyun lag rahe hain papa?" Raju ko yah realise hua ki use itna upset nahin lagna chahiye itne special mauke par. Toh wah muskuraya aur usne kahaa, "beta, kucch paagal log the jo koi bhainson ko injection ko lekar itna aggressive ho rahee the jaise ki koi murder hua ho. Yeh animal lovers log paagal hote hain aur yeh humaara bhi dimaag kharaab karte hain."
Tabhi waiter unke pizza ki order lekar unke table par pahuncha aur unhein garma garam pizza par mozzarella aur paneer ke taaze aroma ne saari pareshaniyon ko door kar diya aur woh apne apne slices ko aur garlic bread with butter ko khaate hue bade hi santushti ke saath apne vegeterian pizza ka anand lene lage.
No comments:
Post a Comment